• August 18, 2022

اردن کے ولئ عہد کی اعلیٰ تعلیم یافتہ سعودی خاتون سے منگنی

ریاض: اردن کے ولئ عہد الحسین کی سعودی شہری رجوہ آل سیف سے منگنی ہو گئی۔

تفصیلات کے مطابق اردن کے ولئ عہد الحسین بن عبداللہ دوم کی سعودی شہری رجوہ خالد بن عبدالعزیز آل سیف سے منگنی ہو گئی۔

منگنی کی تقریب سعودی دارالحکومت الریاض میں ایک خوب صورت باغیچے ہوئی، ملکہ رانیا کی موجودگی نے تقریب کو چار چاند لگا دیے۔ منگنی میں اردن کے شاہ عبداللہ دوم اور اور دلہن کے اہل خانہ بھی موجود تھے۔

ملکہ رانیا نے انسٹاگرام کی پوسٹ میں اس منگنی کا اعلان کیا اور اس پر اپنی بے پایاں خوشی کا اظہار کرتے ہوئے لکھا: ’’میرے سب سے بڑے شہزادے حسین اور ان کی خوب صورت منگیتر رجوہ آل سیف کو منگنی کی بہت مبارک باد۔‘‘

دلہن رجوہ آل سیف 28 اپریل 1994 کو ریاض میں پیدا ہوئیں، انھوں نے سعودی عرب میں ثانوی تعلیم حاصل کی اور نیویارک کی سیراکیوز یونیورسٹی کے اسکول آف آرکیٹیکچر سے اعلیٰ تعلیم حاصل کی ہے۔

سعودی عرب کے ولئ عہد شہزادہ محمد بن سلمان نے اردن کے ولئ عہد الحسین سعودی شہری رجوہ خالد بن مساعد بن سیف بن عبدالعزیز السیف کے ساتھ ان کی منگنی پر مبارک باد بھیجی۔

اس سے قبل اردن کی شہزادی ایمان بنت عبداللہ نے جولائی میں جمیل الیگزینڈر تھرمیوٹس سے اپنی منگنی کا اعلان کیا تھا۔

Leave a Reply

Your email address will not be published.