• August 23, 2022

وزیراعظم شہبازشریف قطر کے 2 روزہ سرکاری دورے پر دوحہ پہنچ گئے

اسلام آباد : وزیراعظم شہبازشریف قطر کے 2روزہ سرکاری دورے پر دوحہ پہنچ گئے، جہاں وہ امیر قطر اور قطر کی اعلیٰ قیادت سے ملاقاتیں کریں گے۔

تفصیلات کے مطابق وزیراعظم شہباز شریف قطر کے امیر شیخ تمیم بن حمد الثانی کی دعوت پر دو روزہ سرکاری دورے پر دوحہ پہنچ گئے۔

دوحہ ایئرپورٹ پر قطر کے وزیر ٹرانسپورٹ جاسم سیف احمد السلیطی نے وزیراعظم کا پرتپاک استقبال کیا، وزیراعظم کے ہمراہ وفاقی کابینہ کے ارکان بھی موجود ہیں۔

دورے کے دوران وزیراعظم شہباز شریف امیرقطر اور قطر کی اعلیٰ قیادت سے ملاقاتیں کریں گے۔

ملاقات میں زراعت، قابل تجدید توانائی،ہوابازی، انفرااسٹرکچر،سیاحت اورلائف اسٹاک سمیت دیگر شعبوں میں تعاون کے فروغ پر تبادلہ خیال ہوگا۔

وزیراعظم کا دورہ دوطرفہ تعلقات، تجارت، سرمایہ کاری اور علاقائی امن کیلئے انتہائی اہمیت کا حامل ہے۔

دوسری جانب وزیرخزانہ مفتاح اسماعیل قطر پہنچ گئے ہیں ، وہ بدھ تک قطر میں قیام کریں گے، اس دوران پاکستان اور قطر کے درمیان سرمایہ کاری اور تاریخی معاہدوں کا امکان ہے۔

روانگی سے قبل شہباز شریف سے کہا تھا کہ دورے کے تناظر کو سمجھنا اہم ہے، کورونا وبا کے بعد دنیا معاشی سست روی سے بحالی کی طرف جارہی ہے، مشترکہ چیلنجزمتقاضی ہیں کہ تعاون کی نئی راہیں ڈھونڈیں۔

Leave a Reply

Your email address will not be published.